للاسف شركة STC قامت بالغاء تردد 1800 عن الراوتر فقط اللي هو E5172s-920 و الثاني E5172s-927 وفقط اصبح يعمل مع اجهزة الايفون و اندرويد. ولم يتم حظر باقي الرواترات و هناك طريقة وهي خذ اي راوتر يدعم تردد 1800 بيشتغل معك. مثلن تردد 1800 شغال على راوتر زين E5172As-22 او راوتر b880 او هواوي e5775 او الماي فاي وغيرها او حتى لو تحول ايفونك لراوتر. طبعن باستخدام شريحة STC لكن عليك اول شي فك شفرة المودم والطريقة سهلة راح احاول اشرحها باقرب فرصة او اضغط هنا.

أنا غير راض عن سرعتي..أنت غير راض عن سرعتك, نحاول جاهدين الوصول إلى أعلى سرعة ممكنة. نغير الشركة..الراوتر..أو نركب أنتينا بل وأشك أن البعض قد غير منطقته. بالنهاية قد تكتشف انك انت سبب كل هذي المشاكل.

في هذا الموضوع حاولت تقديم سرد لأهم ما يجب أن يعرفه أي شخص يريد الاشتراك بخدمات الجيل الرابع في السعودية هناك بعض الاشياء لابد انك تعرفها لاتخاذ افضل قرار للشراء او الاشتراك. بعد قراءة هذا الموضوع تاكد رايح يكون عندك افضل انترنت في العالم ^_^.

اولا, رايح نبدا مع الشركات المقدمة لخدمة الانترنت في السعودية وكيف تختار الافضل بينها. شركة زين و موبايلي انترنت بدائي متخلف لا يحقق الحد الأدني من احترام العملاء. أكبر غلطة مايصلح انك تربط نفسك لمدة طويلة مع اي شركة لاتعرف جودة اتصالها وتغطيتها.

zain

اشتركت مع زين لمدة عام مفتوح السرعة وكان 4G في زين من اغلى الاشتراكات وكنت دائما امدح اتصالهم زمان. رغم غلاء الاسعار الان ان الخدمة كانت مميزة وثابتة رغم سياسة الاستخدام العادل والقوانين المتشددة. بعد كذا الشركة نزلت من اسعارها وتدهورت الخدمة للأسوء نسبة الاشتراك عندهم زادت بنسبة 1300% يكدسون العملاء بدون تحسين الخدمة وافضل حل عندهم بالدعم الفني يقول طلع الشريحة ورجعها ثاني. الفور جي عند زين اصبح بالعامية – مصخرة. انا استخدم الانترنت في التصفح واليوتيوب اكثر من التحميل لكن التصفح وتشغيل مقاطع اليوتيوب بطئ بشكل عجيب لكن لما تجي تحمل اي شي من النت على الكمبيوتر يحمل اي شي بسرعة وهذا شي غريب.

الجيل الرابع لزين تردد واحد فقط 1800 FDD. تغطية 4G لزين اتوقع انها في بعض احياء الرياض فقط وكان السعودية هي الرياض فقط. للاسف زين تقتل نفسها بسياستها هذي سيحصل معها مثل ماحدث لشركة عذيب نقلة نوعية ثم خسارات متتالية.

mobily

من الاخر موبايلي الانترنت عندهم لا يطاق البنق يصل الى 800 والتحميل اقل من 1 ميقا وهم اغلى شركة في رسوم الاشتراك الشهري. خصوصا الي يحبون الافلام والتورنت احذرهم من الاشتراك بموبايلي لانها تطبق سياسة الاستخدام العادل بشكل مفرط الحد 1 قيقا يوميا وتطبيقها عشوائي لكل اشتراك نظام استخدام عادل مختلف يمكن ما يرجع بعد يوم او شهر – اضغط هنا لمعرفة المزيد عن سياسة الاستخدام العادل.

المصيبة مازال هناك ناس تشترك عندهم في الانترنت, الضحك على الناس في الإعلانات (سرعات غير محدودة ، إنترنت غير محدود).. انصحكم حتى لو جارك عنده اشتراك موبايلي بالانترنت انك تترك البيت وتنقل لمكان ثاني.

زين وموبايلي, ما يحصل من مهزلة بتقديم انترنت لا يتناسب مع ظروف الحياه باسعار تتخطى حاجز الالف والالفين. الانترنت هو مايجعل حياتنا اسهل ولانقدر نعيش بدونه. فقط اصحاب المصالح في هذي الشركات زين وموبايلي تجدون مواضيع لهم في كل مكان مواقع ومنتديات يشيدون بخدماتهم. شركات منتهيه ماعندها سياسه واضحه وكل شغلهم قائم على الغش والاستهتار بالعميل.

logo-stc-footer

ثلاث اشياء في السعودية لا تغيرها; بنك الراجحي, شماغ البسام و شركة الاتصالات السعودية STC.

مودم STC 4G + اعدادات صح = حياة آسهل +(آنتينا 4G) عشان تكون حياتك اسهل واجمل ^_^. وانا هنا مالي علاقة باي شي ثاني بالشركة فقط حول خدمة 4G والباقي مادري عنه.

4G من STC هو الافضل الان بدون اي مقارنة وماعليك من الي يقول غير هذا الكلام وانا رايح اثبت لكم هذا الشي. تستخدم STC لبث اشارة الفور جي طريقتين: تردد 1800 (FDD) وتردد 2300 (TDD) وايضا مع الراوتر المطور E5172-927 الي يدعم الترددين. مشكلتها الوحيدة اتوقع انها لا تمكن NAT Type 2 الضروري لمن يلعب أون لاين. ( بحسب ما قرأنا ان الشركة تعمل على تصحيح هذه المشكلة )

تردد 2300 هو التردد المستقبلي لكن يحتاج فقط بعض الوقت. 1800 دعمته STC لان اغلب الهواتف الذكية زي الايفون تقبل هذا التردد فقط للفور جي.

نرجع للموضوع كيف تجعل حياتك اسهل مع راوتر STC. زي ماذكرت ان راوتر STC المطور E5172-927 ثنائي تردد يدعم 1800 , 2300 ولكن ما تقدر تحدد على اي تردد يشبك الراوتر يختار التردد تقائيا. في الحي الي ساكن انا فيه يدعم الترددين لكن معروف ان تردد 1800 افضل من 2300 لانه دائما اسرع في التحميل والرفع. تردد 2300 يمكن يكون افضل في التحميل لكن ضعيف جدا في الرفع وممكن يكون التحميل ضعيف ايضا. بس عمومن 1800 يعتبر افضل بس المشكلة ان رواتر STC دائما يشبك على 2300 وهذا يسبب مشكلة في سرعة التحميل عندك تحصلها 2 ميقا اكثر شي تقدر تعمل تحويل يدوي لكن فيها حوسة ويمكن يشبك ويمكن لا. عشان كذا في اكو حل بسيط لهالمشكلة هو تثبيت تردد 1800 على المودم للابد. كيف تعرف ان الراوتر شابك على تردد 2300 او 1800 من صفحة اعدادات الراوتر الصفحة الرئيسية > نظرة عامة وشوف نمط الشبكة اذا كان FDD يعني شابك على تردد 1800 واذا كان TDD يعني شابك على تردد 2300.

4g fdd

رايح اعطيكم الطريقة الكاملة لاعداد مثالي لراوتر STC بحسب التغطية في منطقتك لتحقيق استفادة كاملة من قوة 4G لسرعة وحياة انترنتيه افضل واسهل.

طريقة تثبيت تردد 1800 لراوتر STC المطور E5172s-927

المتطلبات:

  • اول شي مهم لازم تتاكد ان الراوتر يكون المطور موديل E5172-927 يدعم ثنائي التردد 1800 و 2600. الراوتر القديم موديله E5172-920 تردد واحد فقط 2300 ولا يدعم التردد 1800. بالنسبة للي عندهم الرواتر القديم E5172-920 هذا له طريقة مختلفة تحصلها تحت اطمر هذا كله وروح هناك. (كيف تعرف موديل الراوتر حقك من الكرتون حقه مكتوب على الجنب او مكتوب تحت الرواتر نفسه Model).

quicknet-router-4g1

4g cell

التحميل:

الطريقة:

  • ندخل صفحة اعدادات المودم اضغط هنا.
  • شي مهم لازم تكون شابك الراوتر بالكمبيوتر بالسلك الاصفر, ما تعمل التحديث وانت شابك واي فاي.

4g settings (1)

  • اكتب اليوزر والباس admin بعدين روح عند الصفحة الرئيسية واضغط على تحديث > تحت تحديث محلي اضغط Choose File ومن المجلد الي حطيته بسطح المكتب ادخل على مجلد a واختار الملف 1.BIN بعدين اضغط تحديث. (هذا التحديث المضاد عشان نقدر نركب اي تحديث نبغا غير الاتصالات).
  • بعد مايخلص التحديث ادخل مرة ثانية على اعدادات المودم ونفس الطريقة الي قبل شوي حقت التحديث لكن اختار الملف الثاني 2.BIN . (هذا هو تحديث الاصدار العالمي للراوتر).
  • بعدها اذا خلص محمل التحديث الثاني ادخل على اعدادات المودم ونفس طريقة التحديث الي قبل لكن هالمرة ادخل مجلد b واختار الملف الي بداخله اسمه طويل شوي ومافيه غيرة واحد. (هذا تحديث الاصدار السيرلانكي).
  • بعد مايخلص محمل اخر تحديث الثالث يكون ثبت الجهاز على تردد 1800 لان الشركة السيرلانكيه تدعم فقط 1800.

للعودة الى اصدار STC الاصلي. 1- تثبيت التحديث المضاد للاصدار السيرلانكي الموجود في مجلد c, بعد كذا 2- حدث المودم للاصدار الاخير ل STC الموجود في مجلد d.

1

الان باقي شي واحد مهم وهو ضبط اعدادات الراوتر الصحيحية, من صفحة اعدادات الراوتر اضغط على Internet > Network Connection وغير الاعدادات نفس الي بالصورة تحت عندك بعدين اضغط Submit.

2

طريقة تحديث رواتر E5172-920 الى E5172-927 المطور

طبعا الراوتر القديم موديل E5172-920 هذا يدعم تردد واحد فقط 2300 واصدرت مؤخرن STC الراوتر المطور موديل E5172-927 وهو نسخة طبق الاصل من الي قبل لكن الفرق انه ثنائي التردد ويدعم 1800 و 2300. لكن في اسطورة تقول ان ثبيت تحديث الرواتر المطور على القديم يحسن من سرعة الاتصال ويرفع الابراج ايضا.

الطريقة:

الزبدة بالنهاية, STC هي الافضل ولا تقول لا انا عندي اشتراك من زين او موبايلي ومبسوط وتمام عندي السرعة لانه ملعوب عليك صدقني ومب لازم تاخذ اشتراك بالشهور روح اي محل وخذ لك شريحة ب 30 ريال وجرب التغطية والسرعة عندك.

الخلاصة ان السر هناك يكمن في التغطية منطقتك للترددات واكيد الافضل في ثبات سرعة التحميل والرفع تردد 1800 وهذا التردد عن جميع الشركات STC وموبايلي وزين غير مدعوم في القرى والمحافظات الصغيرة ومناطق كاملة غير مدعوم فيها. وبهذي الحالة الافضل تشبك على 3G لانه رايح يكون اسرع وافضل.

4g cover

قبل انسى في شي مهم رايح يوفر عليك فلوسك شوي بدال ماتدفع حق اشتراك 4G + الراوتر الجديد ممكن ان توفر على نفسك 300 ريال بطريقة بسيطة. اجهزة الراوتر التي تباع عند شركات الاتصال تكون مشفرة ولا تعمل الى على شريحة من نفس الشركة لكن يمكن فك التشفير ببساطة عن طريق ادخال كود فك التشفير بلوحة التحكم للراوتر وبعدها يصبح يدعم جميع الشركات على الترددات المدعومة في نفس الجهاز.

سعر الراوتر عند شركات الاتصال دائما ارخص من سعره في السوق لذلك احرص على شرائة من شركات الاتصال لتوفير المال. ابحث عن الراوتر الافضل بغض النظر عن الشركة التي تبيعة لان تقدر تفك تشفيره والاستفادة منه بشريحة لشركة اخرى.

جدول يوضح اهم اجهزة الراوتر والمودم المتوفرة في السعودية مع الترددات التي تدعمها:

raoter

اخيرا اذا ماضبط معاك شي من الطرق السابقة الي ذكرتها تغيير التردد او التحديث فيه اشياء ثانية مثل الغاء الجيل الرابع من الشريحة بارسال رسالة نصية من نفس صفحة اعدادات الراوتر وبعدين تفعلها اقين وهذا لا يؤدي الى الغاء الاشتراك بالانترنت.

استخدام الانتينا Antenna وهو لبث مدى للوايرليس وكل انتيل يبث بجهة ومدى معين ليصبح المدى مضاعف عن الانتيل الواحد هناك انواع داخلي وخارجي -الداخلي يكون مثل الانتل صغير توصله مباشرة على الراوتر, والخارجي تحطة في مكان مرتفع مثل سطح البيت لالتقاط اشارة افضل. اذن هو لنقل الاشارة فقط ولايقوي الانترنت ولا شي.

متى تستخدم؟ اذا كان الراوتر عندك يعطي اقل من ثلاث ابراج في هذي الحالة يصبح الانتينا مفيد ومهم ايضا. لكن لو كنت في الرياض والابراج عندك فل على الراوتر صدقني ماراح تشعر غير بحسرة ال 400 ريال الي دفعتها فيه. اشهرها يمكن في السعودية اسمه WILSON Antenna ويلسون ويدعم التردد من 700 الى 2700 تحصله في امازون تقريبا سعرة 200 ريال اما في السوق هنا يوصل حدود 400 ريال ويكون غالبا يعني بعد التركيب بهذا الشكل.

Antenna

عشان اقهركم شوي بس, هذا هو أسرع راوتر واي فاي في العالم من ASUS … في الوقت الراهن

asusrtac87

وايضا اصبح الان هناك LTE Advance الفور جي المتقدم التقنية الجديده الي قالوا انها راح تنزل في عام 2015 والمسماة بـ LTE Advance لكن في Wiki تفاجأت ان هالتقنية خلاص نازله في بلدان ثانيه مثل روسيا والتشيك والمانيا والسرعات وصلت ل 300 ميقا في الثانيه.

Smart-LTE-Advanced

شوكرن لكل اعضاء منتدى البوابة الرقمية في منتدى 4G LTE. جميع مصادري في هالموضوع كانت من هذا القسم في المنتدى.