يمكن للبعض حذف السيديا من الايفون او الايباد بالخطا بعد الجيلبريك, وبالتالي ماراح تقدر تتصفح او تحمل ادوات الجيلبريك, على قولة المثل: لا جيلبريك بدون سيديا. مشكلة حذف السيديا لاحظتها اكثر شي بعد جيلبريك iOS 10 لكن وش السبب مادري! الي اعرفه ان في هالموضوع راح اشرح بالتفصيل كيفية اعادة تحميل السيديا بعد الحذف.

هناك عدة طرق لاعادة تثبيت السيديا بعد حذفه من الايفون او الايباد. يمكن يكون الموضوع طويل شوي لكن لانه متشعب شوي فراح اشرح كل شي. لذلك في تحت اكثر من طريقة وانت شوف الطريقة الي تناسب وضعك وطبقها.

كيفية تحميل السيديا واستعادة بعد الحذف

الطريقة #1 باستخدام iFile او Filza

هذي اسهل واسرع طريقة, لو كنت محمل اداة iFile او Filza من السيديا قبل ماينحذف, ببساطة افتح هذا الرابط في متصفح سفاري عشان يحمل معاك السيديا deb, بعد مايخلص تحميل بيطلع لك open in ifile اضغط عليها بعدين اضغط علملف مرة ثانية واختار تثبيت او Installer. انتظر لين يخلص تثبيت وبتحصل السيديا موجود على الشاشة الرئيسية.

الطريقة #2 باستخدام اتصال SSH

لو انحذف السيديا من جهازك بالغلط وماكان عندك اداة iFile او Filza وش الحل! سهل لكن ركز شوي. طريقة تثبيت السيديا عن طريق اتصال ssh وهذي تحتاج كمبيوتر سواء ماك او ويندوز. ميزة جيلبريك iOS 10.2 يالو بيتا 7 انه يثبت معاه جميع الادوات المطلوبة لاتصال ssh, لكن المشكلة انه المطور معطل اتصال ssh واي فاي فقط عن طريق USB, يعني لازم تكون موصل الايفون بالكمبيوتر عشان تتصل ssh.

كيفية اتصال ssh للماك

المتطلبات:

  • تحميل iPhoneTunnel على الماك
  • تكون بوضع الجيلبريك

الطريقة:

الخطوة #1

وصل الايفون جهازك الماك عبر USB

الخطوة #2

افتح برنامج iPhoneTunnel من الماك, بتحصل فوق يمين ايقونة سهمين صغيرة اضغط عليها بعدين Turn Tunnel On بعد كذا اضغط عالسهمين مرة ثانية Tools واختار SSH root

الخطوة #3

بيفتح لك تيرمنال, لو طلع لك هذي الرسالة في تيرمنال تكتب له yes واضغط انتر

الخطوة #4

اذا طلب الباسوورد تكتب له الباس الافتراضي الي هو alpine بعدين انتر (لازم تكتب مب تنسخ)

خلص اذا شفت كلمة root وقبلها اسم ايفونك اعرف انك اتصلت ssh. لاتقفل شي ولاتفصل الايفون خليها لان بنرجع لها بعد شوي نثبت السيديا.

كيفية اتصال ssh ويندوز:

المتطلبات:

  • تحميل iFunBox وتثبيت على الكمبيوتر (عشان يفتح لنا البورت لاتصال USB)
  • تحميل PuTTY وتثبيت على الكمبيوتر (عشان نتصل ssh بالايفون او الايباد)
  • تكون بوضع الجيلبريك

الطريقة:

الخطوة #1

وصل الايفون بالكمبيوتر عبر USB

الخطوة #2

افتح iFunBox وتاكد ان جهازك طالع متصل بعدين اضغط على Quick Toolbox بعدين اختار USB Tunnel. انتظر لين مايطلع لك مثل الي بالصورة تحت رقم الاي بي والبورت, بعدين اعمل تصغير ل iFunBox.

الخطوة #3

افتح PuTTY واكتب:

  • Host Name: 127.0.0.1
  • Port: 22
  • Connection type: SSH

بعدين اضغط Open.

اذا سالك عن اليوزر او كتب login as: تكتب root وبعدين انتر, الباسوورد اكتب alpine وانتر. خلص اذا كتبت لك root وقبلها اسم جهازك انت متصل ssh الان. لاتقفل شي ولاتفصل الايفون خليها لان بنرجع لها بعد شوي نثبت السيديا.

كيفية تثبيت السيديا بعد اتصال ssh ماك و ويندوز

المتطلبات:

الطريقة:

الخطوة #1

وصل الايفون بالكمبيوتر USB وافتح برنامج iFunBox.

الخطوة #2

من القائمة الي على اليسار اختار iBook, واسحب ملف السيديا cydia.deb الي حملته قبل شوي عالكمبيوتر داخل المربع الابيض الكبير يمين.

الخطوة #3

ارجع للتيرمنال الي قبل شوي سوينا اتصال ssh فيه انسخ والصق فيه هذا الامر بعدين اضغط انتر

dpkg -i /private/var/mobile/Media/Books/cydia.deb

بعد مايخلص تحميل وتثبيت ويرجع السطر مكتوب فيه root# انسخ والصق فيه هذا الامر واضغط انتر

uicache

انتظر لين مايرجع سطر root# بعدين خلص اخر شي انسخ والصق فيه هذا الامر بعدين انتر

killall -9 SpringBoard

الحين الايفون او الايباد بيسوي اعادة تشغيل سريع respring واول مايشتغل بتحصل السيديا قدامك عالشاشة الرئيسية, ادخل السيديا وخليه يحدث السورسات بعدين حمل الملفات المطلوبه بتطلع لك وخلص انتبه مرة ثانية تحذفه.

بعض المشاكل الي ممكن تواجهك في الماك:

ماتقدر تفتح برامج من خارج متجر الاب ستور ادخل على System Preferences حقت الماك بعدين Security & Privacy من General بتحصل تحت اخر شي يسار صورة قفل اضغط عليها وحط رقمك السري واختار Anywhere تحت Allow apps downloaded from. لكن اذا انت محدث ل macOS Sierra ماراح تطلع لك Anywhere غير لما تكتب هذا الامر في تيرمنال انسخ والصق,

sudo spctl --master-disable

وتابع هالفيديو بعد.

لو طلع لك رسالة الخطا هذي وانت تحاول الاتصال ssh, من Finder اضغط على Go فوق واختار Go to the floder انسخ والصق المسار هذا فيه واضغط Go بعدين بيفتحه لك واحذف ملف known_hosts وخلص جرب اقين ويضبط.

~/.ssh/known_hosts

ويندوز او ماك ماقدرت اتصل SSH من USB!

لو حاولت وماقدرت ابدن يضبط معاك اتصال USB, سواء ماك او ويندوز في حل انك تحمل تطبيق جيلبريك yalu بيتا 3 لانه مفعل فيه اتصال ssh واي فاي, احذف yalu الي موجود عندك وسوي اعادة تشغيل للايفون او الايباد وثبت yalu Beta 3 وبعدين اعادة جيلبريك, وللحرص بعد سوي اعادة تشغيل مرة ثانية واعادة جيلبريك وبس تقدر تتصل ssh واي فاي الحين من ايفونك للماك او ويندوز.