الانتظار انتهى اليوم تم اصدار جيلبريك iOS 9.3.3 واقل لجميع الاجهزة الايفون والايباد من الفريق الصيني Pangu. في هذا الموضوع راح اشرح طريقة الجيلبريك من iOS 9.2 الى iOS 9.3.3.

قبل البدء

جيلبريك iOS 9.3.3 هذا مقيد! ماهو الجيلبريك المقيد؟ وما هو الفرق بين المقيد وغير المقيد!

الجيلبريك المقيد يعني ان في كل مرة تسوي اعادة تشغيل للايفون او الايباد, تحتاج انك تسوي اعادة جيلبريك مرة ثانية, مايحتاج انك تشبك الايفون او الايباد بالكمبيوتر, لكن فقط تفتح تطبيق PP من الشاشة الرئيسية عشان يسوي اعادة جيلبريك.

الفرق بين المقيد وغير المقيد هو ان المقيد يحتاج اعادة جيلبريك في كل مرة يطفى فيها الايفون ويشتغل مرة ثانية اما غير المقيد مايحتاج. وزي ماقلت لكم اعادة الجيلبريك هنا سهلة بس تضغط على ايقونة تطبيق PP في الايفون.

المتطلبات

  • عمل باك اب للايفون او الايباد
  • ويندوز
  • تحميل الايتونز على الكمبيوتر

التوافق

جيلبريك متوافق مع جميع الاصدارات من iOS 9.2 الى iOS 9.3.3 والافضل انك تحدث لاخر اصدار.

الاجهزة المتوافق هي فقط 64-bit يعني:

  • ايفون 5s
  • ايفون 6
  • ايفون 6 بلس
  • ايفون 6S
  • ايفون 6S بلس
  • ايفون SE
  • ايباد ميني 2
  • ايباد ميني 3
  • ايباد ميني 4
  • ايباد اير
  • ايباد اير 2
  • ايباد برو

كيفية جيلبريك iOS 9.3.3 الى iOS 9.2

الخطوة 1#

تحميل اداة الجيلبريك على الكمبيوتر من هنا PP jailbreak

الخطوة 2#

تثبيت الاداة وبعد كذا توصيل الايفون او الايباد بالكمبيوتر وتاكد انه تعرف على جهازك.

screen-shot-2016-07-24-at-6-25-51-pm

الخطوة 3#

في PP Jailbreak اضغط على الزر الاخضر لبدء عملية الجيلبريك, اكتب نفس الحروف لو طلعت لك في نافذة داخل المربع. يمكن بعد كذا يطلب منك الدخول بحسابك حق المتجر الايميل والرقم السري في عندك اكثر من حل, انك تدخل بحسابك حق المتجر العادي (طبعن لو كنت مفعل التحقق بخطوتين لازم تلغيها اول), او تسوي حساب جديد في المتجر وتدخل فيه. وحسب ماقريت انك لو الغيت عملية الجيلبريك فصلت السلك من الايفون يعني والغيت رمز دخول شاشة القفل و العثور على الايفون ماراح يطلبها منك مرة ثانية مادري جرب او انك تلغي الرقم السري للباك اب في الايتونز بالكمبيوتر.

img_3240

الخطوة 4#

انتظر لين ما تنتهي عملية الجيلبريك وتحصل ايقونة تطبيق PP jailbreak موجودة على الشاشة الرئيسية في الايفون او الايباد.

img_0021

الخطوة 5#

ادخل على الاعدادات < عام < انزل تحت وادخل على ملفات التعريف بتحصل ملف التعريف حق التطبيق ادخل عليه واضغط على وثوق.

img_0022

الخطوة 6#

ارجع للشاشة الرئيسية واضغط على ايقونة تطبيق PP jailbreak واضغط على سماح لاشعارات التطبيق.

img_0023

الخطوة 7#

في داخل التطبيق بتحصل دائرة كبيرة اضغط على الدائرة الكبيرة الموجودة في الوسط داخل التطبيق.

img_0025

الخطوة 8#

قفل شاشة الايفون او الايباد اضغط على زر الباور وقفلها. وانتظر لين ما يطلع لك اشعار على شاشة القفل هذا معناته بدا يحمل السيديا انتظر دقيقة او دقيقتين, بعد مايخلص راح يعمل اعادة تشغيل تلقائيا للجهاز.

img_0017

الخطوة 9#

بعد اعادة التشغيل افتح تطبيق PP jailbreak عشان تشوف اذا نجح عملية الجيلبريك او لا, لو ما نجحت ببساطة عيد من الخطوة 1#, واذا نجحت تقدر الحين تفتح السيديا.

img_0020

مهم: انتبه تحذف تطبيق PP jailbreak من الايفون او الايباد او السيديا راح يعمل كراش في كل مرة تفتحه.

الحين في كل مرة تسوي اعادة تشغيل للايفون او الايباد بعد مايشتغل لازم تروح لتطبيق PP jailbreak الموجودة عالشاشة الرئيسية وتفتحه اقين عشان يشتغل معاك السيديا او الادوات الي محملها من السيديا.

ولاتنسى تضيف سورس ابو بس عندك في السيديا اذا تبي اخر الادوات والتهكيرات لاضافة السورس اضغط عالرابط

http://rasha1.in/repo

لمعرفة الادوات المتوافقة مع جيلبريك iOS 9.3.3 من هنا

استمتع…