تحديث 28/2:

للاسف ابل قفلت iOS 8.2 بيتا 1 & 2 وهذا يعني انك ماعاد تقدر تسوي تحديث لهذي النسخة, عمومن ننتظر اصدار iOS 8.2 رسمي خلال هاليومين وراح يكون معها اصدار الجيلبريك ايضن.

ماذا لو قمت بالتحديث الى iOS 8.1.3 عن طريق الخطا او بسبب مشكلة حصلت لك واضطريت تعمل ريستور لجهازك الايفون او الايباد! وحنا نعرف ان ماحد يقدر يعيش بدون الجيلبريك.

فيه طريقة انك تحدث جهازك الايفون او الايباد الى iOS 8.2 Beta 2 وتسوي عليه جيلبريك غير مقيد عن طريق اداة PP. طبعن زي ماقلت لكم لازم تحدث جهازك الى نسخة البيتا من iOS 8.2 وحتى لو ماعندك حساب مطور عادي تقدر تحملها من الروابط تحت وتبتها على جهازك بدون مشاكل.

هذي النسخة من اداة جيلبريك iOS 8.2 Beta 2 تم اصدارها رسمين من المطورين لها iOS 8.2 بيتا, بالنسبة للماك عن طريق اداة PP Jailbreak, الويندوز الاداة هي TaiG. في هذا الموضوع رايح اشرح لكم طريقة الجيلبريك على الويندوز وايضن الماك بالتفصيل.

الاجهزة المدعومة:

  • iPhone 6 Plus
  • iPhone 6
  • iPhone 5s / 5c
  • iPhone 5
  • iPhone 4s
  • iPad Air 2, Air 1
  • iPad mini 3, 2, 1
  • iPad 4, 3, 2
  • iPod touch 5

الفريموير المدعوم:

  • iOS 8.2 Beta 2

الانظمة المدعومة:

  • Mac OS X 10.7 او اعلى
  • الويندوز

المتطلبات قبل البدء:

  • تحميل اداة الجيلبريك للماك من هنا PP Jailbreak
  • تحميل اداة الجيلبريك للويندوز TaiG 1.3.0 (اذا الرابط بطي اضغط هنا لتحميل من ميديافاير)
  • تحميل تحديث الايتونز الجديد iTunes 12.1.1 للويندوز فقط (مهم تحمل هالنسخة)
  • تحديث جهازك الايفون او الايباد الى iOS 8.2 Beta 2
  • تعطيل رمز القفل
  • تعطيل البحث عن الايفون من الاي كلاود

روابط تحميل iOS 8.2 Beta 2:

تم اضافة موضوع جديد لطريقة تحميل وتثبيت iOS 8.2 بيتا بطريقة اسهل واسرع اضغط هنا للمزيد

الي يقول اعلانات ومادري ايش, ركب اضافة لمنع الاعلانات من متصفح الكروم مثل عندك µBlock

تثبيت iOS 8.2 Beta 2:

بعد تحميل الفريموير الخاص بجهازك افتح الايتونز واضغط على Alt للماك او Shift للويندوز من الكيبورد + زر Update من الايتونز مع بعض واختار ملف الفريموير الي حملته واضغط على Update اقين, خلص الحين خليه لين يخلص تثبيت. النسخة لاتطلب منك تفعيل بعد التثبيت وليس لها تاريخ نهاية.

تنبيه: رجاااء لاحد يضغط على زر ريستور في الايتونز, لازم تضغط على زر Update في الايتونز عشان بعد ماينتهي تثبيت مايطلب منك حساب مطور او تنشيط وغيره, لو سويت ريستور خطا.

لو حصل وضغطت على زر ريستور, راح تطلع لك رسالة تطلب التفعيل, في هذي الحالة الحل هو انك تخلي جهازك الايفون او الايباد في وضع DFU مود, بعد كذا تعمل ريستور وترجع iOS 8.1.3 من الايتونز مباشرة, بعدين حدث للبيتا بنفس الطريقة الي قلت عليها بالشرح فوق.

كيفية جيلبريك iOS 8.2 Beta 2:

الويندوز:

بعد تحميل اداة الجيلبريك TaiG المعدلة من الرابط في الاعلى, وتحميل نسخة الايتونز الجديدة ومهم تثبيت نفس النسخة الي حطيت رابطها فوق على الويندوز عشان تقدر الاداة تتعرف على جهازك.

الخطوة 1: بعد تحميل جيلبريك taiG افتح البرنامج وتوصيل جهازك الايفون/الايباد بلكمبيوتر فك الضغط عن الملف واسحبه على سطح المكتب, افتح البرنامج رايح يتعرف على جهازك وبتحصل فيه مربعين عليهم علامة صح, عليك الغاء علامة الصح من المربع الثاني 3K Assistant, واضغط على X للخروج من النافذة الصغيرة الي بتطلع لك.

الخطوة 2: اضغط على زر Start, وخليه يسوي عملية الجيلبريك للجهاز رايح يعمل اعادة تشغيل تلقائيا عدة مرات.

بووووم, لقد نجحت في الجيلبريك, بتشوف السيديا على الشاشة الرئيسية, افتح السيديا ليقوم بتحميل بعض الملفات المطلوبة وبسوي اعادة تشغيل مرة واحدة وبعدين لما يفتح خلص وضعك تمام.

الماك:

بعد تحميل اداة الجيلبريك PP المعدلة من الرابط في الاعلى على جهازك الماك, فك الضغط عن ملف Zip وافتح الملف واسحب PP داخل مجلد التطبيقات تابع الفيديو.

كلشي مكتوب بالصيني بس انت تابع الخطوات, اول ماتفتح اداة الجيلبريك ويتعرف على جهازك شيل علامة الصح من تحت في المربع, واضغط على زر الجيلبريك الموجود في الوسط.

jailbreak-iOS-8.1.2

في الشاشة الي بعدها بيطلب منك وضع جهازك الايفون او الايباد في وضع الطيران, افتح مركز التحكم من تحت وفعل وضع الطيران واضغط على زر في اليمين للمتابعة.

PP-jailbreak-final

خلص الحين رايح يبدا عملية الجيلبريك خلي جهازك على جنب لين يخلص, بعد ماينتهي من عملية الجيلبريك افتح شاشة قفل والغاء وضع الطيران بتحصل السيديا موجود على الشاشة الرئيسية افتحه عشان يبدا بتثبيت الاعدادات المطلوبة.

ppuntether-ource

ومبرووووك الجيلبريك…