هنا كيفية جيلبريك iOS 10 و iOS 10.1.1 على الايفون و الايباد باستخدام Mach_Portal.

اخيرن وصل جيلبريك iOS 10 لكنه بيتا مازال في مرحلة تجريبية, يدعم عدد قليل من الاجهزة وغير مستقر تماما.

تحديث: اذا عندك ايفون 6s, ايفون 6, ايفون 5s او ايباد وتبي تسوي لهم جيلبريك iOS 10 اضفط هنا

بعد انتظار طويل لايطاق, جيلبريك iOS 10 في النهاية وقبل نهاية السنة هنا. لكن قبل ما ابدا بشرح طريقة الجيلبريك الجديد هناك عدد من الاشياء التي تحتاج لتوضيح قبل تسوي شي. بصراحة اول مرة يكون اصدار للجيلبريك بهالشكل او الطريقة. اولن مطور جيلبريك iOS 10 الجديد هذا هو lucas مطور معروف لكنه اول مرة ينزل جيلبريك, وهنا تبدا بعض المشاكل الي بتعرفها كلها الحين.

وش وضع جيلبريك iOS 10 ؟

الوضع حاليا غير مستقر ونسخة جيلبريك iOS 10 الي تم اصدارها بيتا يعني نسخة تجريبية في الوقت الحالي.
الجيلبريك شبة مقيد

المطور معطل mobilesubstrate وهي النواة الاساسية الي تشتغل الادوات من السيديا بعد تحميلها. لكن راح نفعلها ونتحايل على المطور في هلموضوع.

الاجهزة المدعومة!

نسخة البيتا من جيلبريك iOS 10 حالين تدعم فقط:

  • ايفون 7 > فقط على اصدار iOS 10.1.1

يمكن ايفونك مايكون مع القائمة الي فوق, لكن لا تخاف فقط في البيتا, مع الاصدار الرسمي لجيلبريك iOS 10 خلال ايام راح يدعم اجهزة اكثر مثل الايفون 6 و الايفون 5s وباقي الايباد.

قبل البدء بالجيلبريك تنبيه:

اخيرن وليس اخرن: هالنسخة من الجيلبريك بيتا, عارف اني ذكرتها كثير بالموضوع لكن لازم تعرف انها تجريبية تستهدف المطورين للمساعدة في تحسين واصلاح جميع المشاكل للاصدار الرسمي من الجيلبريك خلال ايام. لذلك لو كان مايهمك انك تسوي ريستور في حال صار مشكلة او شي اي وقت, كمل معنا. غيره انتظر احسن.

كيفية جيلبريك iOS 10

الخطوة 1#

تحميل اداة جيلبريك iOS 10 على الكمبيوتر ماك او ويندوز IPA من هلرابط فقط ايفون 7.

Mach_Portal + Yalu

اذا عندك ايفون 6s, ايفون 6, ايفون 5s او ايباد وتبي تسوي لهم جيلبريك iOS 10 اضفط هنا

الخطوة 2#

تحميل Cydia Impactor من احد هلروابط ويندوز او الماك.

الخطوة 3#

وصل ايفونك او الايباد بالكمبيوتر باستخدام USB, افتح Cydia Impactor, اسحب اداة الجيلبريك الي حملتها بالخطوة 1 داخل Cydia Impactor, بعدها بيطلع لك اول مربع يطلب منك الايميل اكتب ايميلك حق المتجر الاب ستور بعدين اوك والمربع الثاني يطلب منك الباسوورد حقه.

الخطوة 4#

افصل ايفونك من الكمبيوتر, بعدين ادخل الاعدادات < عام < انزل تحت عند ملفات التعريف ادخل عليها بتحصل ايميلك اضغط عليه بعدين اختار وثوق.

الخطوة 5#

ارجع للشاشة الرئيسية للايفون او الايباد وافتح تطبيق mach_portal راح تجيك شاشة بيضاء وبس الباقي راح يسويها تلقائين التطبيق تقريبن 10-20 ثانية يسوي اعادة تشغيل بعد مايشتغل الايفون او الايباد راح تحصل السيديا موجود على الشاشة الرئيسية.

اصلاح مشكلة mobilesubstrate

زي ماقلت لكم ببداية الموضوع ان مطور الجيلبريك معطل mobilesubstrate في نسخة البيتا هذي مادري ليه عاد. طبعن هذي هي الاطار الي يسمح للادوات بالعمل على النظام, يعني بدونها ماراح تشتغل ادوات السيديا معاك.

لتشغيل MobileSubstrate في جيلبريك iOS 10 حالين طريقة بسيطة, فقط اضيف سورسي الموجود تحت عندك بالسيديا (او اضغط هنا للاضافة مباشرة).

http://rasha1.in/repo

بعد اضافة السورس ابحث عن اداة اسمها Substrate Fix iOS 10 واضغط على تثبيت. بس هذا كل شي.

بالنهاية بس لو سويت الجيلبريك هذا انتبه تحمل اي اداة من السيديا خصوصا ان 99% منها تقريبن للحين غير متوافق مع iOS 10, خصوصن ابعد عن الادوات الي تعدل شي بالنظام وكذا, لكن مثل ادوات البلس للسناب شات او الواتس اب والفانتوم وغيرها للتطبيقات عادي تقدر تحملها. وراح انزل موضوع بتحديث مستمر عن جميع الادوات الي تدعم iOS 10 في السيديا او الي تم تحديثها من المطورين.