تحديث1/25: بصراحة انا رجعت لي مشكلة انخفاض سرعة التحميل مع 4G من STC اليوم ملاحظ, المهم كاني حصلت حل لهذي المشكلة بالصدفة وحبيت اشاركة معاكم يمكن تنفع مع احد ثاني, لاني فعلن اهتم لموضوع الانترنت والسرعة وهو شي اساسي ومهم عندي جدن كما افترض هو بالنسبة لكم ايضن.

الطريقة حقتي سهلة بش ادخل على صفحة اعدادات المودم من المتصفح 192.168.1.1 والاسم والرقم admin. المشكلة انا تحديث الفريموير مختلف عندي لذلك مادري لوكانت نفس الافتراضية من STC, المهم ادخل على الانترنت > اتصال الشبكة > نمط الشبكة = حاول تغيره مثلن لوكان على تلقائي او الجيل الرابع اختار الجيل الثالث 3G, وبعدين ارسال من تحت, لما تشوفه رجع وشبك بالنت, مرة ثانية غير الجيل الثالث 3G وخليها الجيل الرابع 4G وارسال. يعني كررها لو حسيت انها مضبطت المرة الاولى, لانها خربانه خربانه معاك ^_^.

هذا اول موضوع اكتبه في الموقع في 2015, وكنت اتمنى ان يكون غير هذا لكن للاسف, لاهمية الموضوع ولانه يهم شريحة كبيرة من المستخدمين وضعت له الاهمية في الطرح اولن. الجميع اكيد خصوصن عملاء شركة STC في السعودية ملاحظين انخفاض سرعة التحميل وتحديد السرعة على 2 ميقا وخفض سرعة التحميل من سرعات عالية الى 250 كيلو بايت ان لم تكن اقل.

تحديث: الطريقة هذي مجربها بنفسي وشغاله اكيد وراح تحل مشكلة الاتصال عندك, الحل هو بالغاء الاشتراك واعادة تفعيلها مرة اخرى عن طريق الرسائل, في طريقتين لالغاء الاشتراك واعادة التفعيل بالرسائل اولن عن طريق المودم نفسه من صفحة الاعدادات انا مادري كيف بصراحة وين موقع الرسائل عندك بالضبط لان تحديثي مختلف لكن هو مثل الصورة تحت تدخل عليها, او تطلع الشريحة من المودم وتحطها في اي جهاز او جوال حولك.

اول شي ترسل رسالة لالغاء الاشتراك الى الرقم 902

  • الغاء الاشتراك اكتب الرقم في الرسالة وارسلها:
4469
  • بعد كذا لما توصلك انه تم الغائها ارسل هذا الرقم لاعادة تفعيل الاشتراك:
4466

لاتخاف ماراح يلغي اشتراك ولاشي تقدر ترجعه وتلغيه اي وقت, جرب الحين لو ماضبطت معاك السرعة سوي الطريقة مرة ثاني واكيييد بترجع.

Screen_Shot_2015-01-03_at_7_22_28_PM


 

تحديث: قبل شوي تكلمت مع احد الموظفين في شركة STC وسالته عن المشكلة, قال فعلن عندنا مشكلة في انخفاض السرعات على شرايح 4G من اربع ايام, وحل المشكلة مايحتاج استبدال او انك تطلع بدل فاقد للشريحة, فقط تروح لاقرب فرع STC ومعاك الشريحة وتطلب منهم تنشيط الشريحة مرة أخرى ومجانا او جرب تتصل على خدمة العملاء وتطلب منهم اعادة تنشيط للشريحة.

طبعن انشر الكثير من التخمينات عن اسباب المشكلة والبعض طرح بعض الحلول للتغلب على المشكلة. انا في هالموضوع رايح اقولكم ماهو سبب مشكلة انخفاض سرعات التحميل في STC بشكل مفاجئ وحل مؤقت لمشكله النصف ميقا.

البعض يقول ان شركة الاتصالات STC بدات بتطبيق سياسة الاستخدام العادل والي كانت هي ميزتهم الوحيدة عن باقي الشركات, كما ذكر احد اعضاء البوابة الرقمية Maksoes يقول

“لايمكن للاتصال الاسلكي ان يكون ثابت الا اذا كان هناك سياسة الاستخدام العادل “الظالمة” وهي ميزة الاتصالات السعودية الوحيدة وهي لاتطبق سياسة الاستخدام العادل ولا اعلم اذا جد جديد”.Maksoes

انا ايضا لا اتوقع ان يكون سبب مشكلة انخفاض سرعات الانترنت من تطبيق هالسياسة على المستخدمين, لسبب واحد كما ذكر MajedSa

“لان سياسة الاستخدام العادل تضمن (الجودة) في الخدمة وليس التدهور ، سياسة الاستخدام العادل تؤثر فقط على الاستخدام الشره (والعنيف) للخدمة ، أما أن يتحدث الجميع على أن سرعات الانترنت لديهم في خدمات LTE لا تتعدى 0.5 ميقا (صفر ونصف) فهذا والله ليس من الاستخدام العادل في شيء وإنما خلف المشكلة سر ..”MajedSa

اذن هي ليست من الاستخدام العادل ولاشي, انا مثلن كتبت موضوع في السابق عن 4G في السعودية وفعلن كل الفترة الماضية كانت سرعة الاتصال شي خيال وتصل حتى 40 ميقا بعض الاحيان والبنق والاون لاين في البلاي ستيشن بالفعل كانت رائعة وماعندي اي مشاكل, من يومين نزلت السرعة عندي حتى نص ميقا, في منتدى الفور جي بالبوابة الرقمية اغلب الردود كان عن حل المشكلة عن طريق استخراج شرائح بدل فاقد, يعني تروح لاي فرع ل STC وتقول ابغا شريحة بدل فاقد او حتى اريد استبدال هالشريحة, والمقابل طبعن تدفع 25 ريال.

وبالفعل حل مشكلة ثبات السرعة على نص ميقا لشرائح STC 4G هو بكل بساطة بالشريحة الجديدة, فقط تروح لاي فرع ل STC وتقول له ابي استبدال للشريحة لان فيها مشكلة هبوط بالسرعة.

وللتاكيد, انا عندي شريحتين STC وكلها بيانات, وحدة قديمة والثانية يمكن قبل اسبوع مطلعها, سويت اختبار لسرعة للشريحتين على نفس المودم وهنا النتيجة:

سرعة الإتصال بالشريحة القديمة:

سرعة الإتصال بالشريحة الجديدة:

المشكلة مب هنا, المشكلة هي انتشار حركة البدل فاقد هذي, واكيد الشركة عاجبهم الشي هذا وحنا عطيناهم طريقة جديدة عشان تكسب من ورانا. انا من الناس الي افضل شركة STC بالتاكيد وهذي الحركة غريبة منهم بالفعل, لكن اكيد انصحك تروح لاقرب فرع وتدفع 25 ريال بدل فاقد, افضل بمليون مرة انك تروح وتخسر اضعافها على شركات تعبانه الثانية زين او موبايلي.

البعض يقول مقاطعة للشركة, هذا مستحيل اكيد ولايمكن يصير ابدن, شكاوى للشركة نفسها اكيد ماينفع تشتكيهم على انفسهم! هيئة الاتصالات بتطيب نفسك وهم ماردو عليك وبالاخير لن تفيدكم بشيء.

تروح لفروعهم تحصلها مليانه شيبان واجانب فوق بعضهم, واكيد اذا انت رايح وتنتظر منهم حل مشكلة عندك ببلاش بدون ماتدفع هذا مستحيل. الاتصالات شركة قوية وانا متاكد من هذا لكن بختصار كما ذكر MajedSa هي “خلل وإخفاق ، وسوء إدارة وفشل في تنظيم حركة مرور البيانات ، المشكلة هي إخفاق في تشكيل تدفق البيانات للمشتركين وكما ذكرت سابقا في موضوع آخر ، قد يكون الإخفاق مقصودا بغية (تحريك) ان صح التعبير المشتركين ونقلهم من خدمات وباقات إلى أخرى”, نعم المشكلة هي سوء ادارة.


عمومن اتمنا الكل يشارك على هاشتاق على تويتر #مقاطعة_stc_استخدام_العادل و ايضن #نص_ميقا, عل وعسا يصير هناك تغيير في هالادارة الفاشلة وتنصلح الامور, لكن اذا كنت تنتظر غير هذا اتوقع ليس قريبن.